Ég er nú ekki búin að vera mjög aktív þessa vikuna við að leggja hellur í innkeyrsluna þar sem að kroppurinn var aðeins farinn að kvarta undan þreytu. En í gær kom Rasmus facademester og hjálpaði mér í nokkra tíma. Og það var sko hægt að sjá mun þegar hann fór aftur 
Við fengum þetta líka fína veður meðan við vorum að vinna og svo akkúrat þegar við hættum byrjaði að rigna, þannig að tímasetningin var frábær
Við fengum fullt af gestum um helgina - Árni, Kristín og Sveinn Egill mættu í hellulagninguna og við komumst nú bara ansi langt :-)
Ég er búin að fá góða gesti til að hjálpa mér að helluleggja innkeyrslunar (alltaf nóg að gera í sveitinni). Þetta er náttúrulega brjálað púl, en hellurnar eru sem betur fer litlar þannig að þetta gæti verið verra ;-)
Undirbúningurinn er náttúrulega það sem tekur langmestan tíma en nú erum við komin með tæknina þannig að þetta á eftir að ganga ágætlega á morgun (vonandi!).
Ok ég veit að ég á að vera jákvæð, en þetta er bara búinn að vera ÖMURLEGUR dagur! Ég mætti í vinnuna klukkan sex í morgun og átti að vera búin kl. 14, en náði ekki að klára fyrr en hálf-fjögur! Það var þvílíkt vesen allan daginn í vinnunni (þessvegna komst ég ekki í burtu fyrr), fólk virtist almennt vera orðið frekar pirrað á þessum degi og það bætti náttúrulega ekki stemmninguna. Ég er búin að vera að deyja úr stressi, bæði útaf vinnunni og því að á morgun koma hellurnar, áðan kom sandurinn og á morgun kemur vinnumaður að hjálpa mér að byrja að leggja hellur í innkeyrsluna. Read the rest of this entry »
Það verður nóg að gera um helgina, þannig að ef einhver er í stuði þá eru allir velkomnir í vinnu hehe ;-)
Í gær voru liðin 7 ár frá því við kellurnar fluttum til Danmerkur. Ég var alveg búin að gleyma því reyndar, í þessari frábæru blöndu af mígreniskasti og tannpínu sem ég naut út í ystu æsar í gær á leið heim úr höfuðborginni, en konan mín minnti mig á það í dag. Dálítið skrýtið að hugsa til þess að það sé svona langur tími liðinn. Mér finnst nú samt ekki eins og það hafi gerst í gær, það hefur bara gerst of mikið til að það gæti passað 
Það er annars búið að vera brjálað rok hérna í gær og fyrradag. Þegar ég var á leiðinni heim var brúin nýbúin að opna, og var ennþá lokuð “vindfølsomme” ökutækjum (hvað heitir það á íslensku? vindviðkvæm??). Svo tók ég ferjuna frá Fjóni yfir á Als og það skelltist hver stór-aldan á fætur annari á stafn ferjunnar þannig að það drundi í öllu og bílinn hristist. Ég hélt á tímabili að við hefðum siglt á eitthvað en það var víst ekki í minni ferju, heldur annarri sem var að sigla hjá Middelfart. Hún sigldi á bauju greyið, nýkomin úr 8 vikna slipp og þurfti að snúa við og fara beint aftur í slippinn 
Svo byrjaði að snjóa í dag!! Við vorum annars að vona að við næðum heilu ári í nýja húsinu án snjós, en það tókst bara að ná 11 mánuðum hehe. Gengur bara betur næst
