www.hafdal.dk

Þá er mér búið að takast að læsa mig úti í fyrsta skiptið. Hanna Sif var á foreldrafundi í gærkvöldi þannig að við voffarnir vorum bara ein heima. Svo um 9-leytið ákvað ég að nú væri að nálgast háttatíma, þannig að það var kominn tími á að fara út með voffana til að p&k. Ég smeygði mér í töfflurnar mínar, var nú í hettupeysu sem betur fer en ekki á stuttermabol, og hugsaði með mér “muna að taka úr lás”, þegar ég opnaði hurðina. Svo var ég að hugsa svo mikið um það hvað ég myndi gera ef ég myndi einhverntímann læsa mig úti að ég bara labba út um dyrnar og hoppa niður af tröppunni og skelli hurðinni á eftir mér….!
Read the rest of this entry »

Þetta er búinn að vera ansi annasamur dagur hérna hjá okkur í sveitinni. Við vorum báðar vaknaðar kl. 6 í morgun, Hanna Sif þurfti að mæta í vinnuna þar sem það var vinnulaugardagur, og ég ætlaði að vera dugleg í grindverkinu Svo var búið að bjóða okkur í afmæliskaffi kl. 9 hjá nágrannanum okkar, henni Helenu, og þar sem Hanna Sif átti að mæta kl.8:30 í skólann, fór ég ein í kaffið.

Read the rest of this entry »

Ég hitti mömmu og pápa um daginn og þau komu með harðfisk og osta (piparost og höfðingja) fyrir mig til að leyfa kollegunum mínum að smakka. Ég fór með þetta í vinnuna í dag og ostunum var mjög vel tekið, en það lá við að mér væri hent öfugri út þegar ég opnaði harðfiskpokann og mér tókst bara að fá eina til að smakka :P En það er svosem bara í góðu lagi, því þá getum við kellingarnar bara japlað á þessu sjálfar

Hún konan mín er svo dugleg að skipuleggja innréttinguna hérna hjá okkur, og er búin að ná að gera stofuna rosalega fína. Við fengum okkur ekki svona venjulega borðstofustóla við borðstofuborðið okkar, heldur vildum við hafa þægilega stóla þannig að maður geti setið lengi og spjallað þegar gestir eru. Við vorum svo með nágranna okkar í mat á laugardagskvöldið og það voru allir mjög ánægðir með þetta fyrirkomulag :-)

Sjá fleiri myndir á myndasíðunni okkar.

Í Augustenborg Slotspark að hlusta á þennan herra:

Allir að fara inn á www.monopoly.dk og kjósa Sønderby til að vera með í nýja danska “matador”-spilinu, sem verður ekki með götunöfnum, heldur bæjum. Og að sjálfsögðu á Sønderby að vera með í því :-)))

Ath að hægt er að kjósa á hverjum degi!

Við fengum sendingu úr IKEA í dag og Hanna Sif var sem betur fer komin heim úr vinnunni til að taka á móti vörunum. Hún var að horfa á L-word þegar hún heyrði einhver hljóð úr innkeyrslunni, svo hún dreif sig að setja á pásu. Svo fór hún til dyra og þá voru þetta flutningakallarnir. Þeir burðuðust inn með vörurnar og þegar þeir komu inn í stofu kom skrýtinn svipur á þá þegar þeir sáu sjónvarpið. Hanna Sif hafði þá sett á pásu akkurat í svaka kynlífssenu (með tveim konum) þannig að þeir hafa örugglega haldið að hún væri að horfa á svaka bláa mynd á miðjum þriðjudegi!! Þeir urðu amk frekar vandræðalegir víst eftir þetta. hahahahahha

Við skelltum okkur til Þýskalands í gær, í fyrsta skiptið með voffana með okkur og svo buðum við Arnheiði að sjálfsögðu með. Leiðin lá fyrst til Burger King (algjört möst!) þar sem ég fékk mér Big King borgara nammi nammi namm! Svo keyrðum við í Scandinavian center og versluðum aðeins. Mér og Arnheiði tókst að gera okkur að algjörum fíflum í þessari ferð - svosem ekki í fyrsta skiptið hehe.

Read the rest of this entry »

Það var allsherjar garð-tiltekt hjá okkur í dag. Við fórum þrjár ferðir á haugana með allskonar dót og svo var ég í tvo tíma að slá garðinn (grasið var orðið dáldið hátt!). Planið var að fara með allt grasið á haugana en þar sem þeir loka kl. 14 þá náði ég því ekki. En nú stendur kerran okkar úti í garði, alveg kúf full af grasi! Þannig að ég verð að rúlla með það á morgun á haugana.

Read the rest of this entry »