www.hafdal.dk

Það er orðið allt of langt síðan að það heyrðist eitthvað í okkur þannig að ég ákvað að skella nokkrum línum inn svona til að sýna smá lit!

Það er allt vitlaust hjá okkur í augnablikinu, Dúlla er á lóðaríi og Lúlli er bara gjörsamlega að fara yfirum! Ég (Rakel) er búin að sofa í gestaherberginu síðustu 5 nætur með Lúlla hjá mér á meðan að dúllurnar mínar tvær eru í hjónaherberginu. Svo vælir Lúlli alla nóttina - þrátt fyrir að ég segi honum að þegja á 5 mínútna fresti - þannig að ég hef ekki fengið mikinn svefn síðustu dagana.
Read the rest of this entry »

Ég setti að gamni inn link á síðu þar sem er hægt að skoða bókasafnið okkar. Þetta er að vísu bara smá brot af þeim bókum sem við eigum þar sem það tekur tíma að skrásetja þetta allt, en markmiðið er að hafa þetta allt skipulagt - maður er svo mikill nörd! Já og svo er útlitið heldur ekki endanlegt!

Smelltu hér til að skoða bókasafnið

Mér tókst, í hitanum í dag, að koma upp enn einu bili . Þetta er samt búið að ganga hægt því ég var veik mestalla síðustu viku og það er ekkert eins pirrandi eins og að vera veik og horfa útum gluggann á hálfkláraða girðingu

Ég setti inn nýja mynd á toppinn á síðunni - eitthvað sem kemur frá okkur sjálfum, annað en öldur við strönd eins og var áður. Myndin er nú ekki neitt súpergóð, en sýnir vitann á Kegnæs sem er eiginlega það fyrsta sem maður keyrir framhjá þegar maður kemur inn á Kegnæs.
Hann er voða krúttlegur, 18 metra hár og það er víst hægt að labba upp í hann og þá er maður með fínasta útsýni m.a. yfir til Þýskalands.

Meira um vitann hér

Ég trítlaði út í garð áðan og týndi nokkur brómber til að hafa með skyrinu sem ég keypti um daginn. Það kom loksins að því að það var eitthvað gagn af þessum helv… þyrnirunnum sem eru búnir að vera að angra mig í allt sumar

Eftir 6 vikna bið, fengum við loksins nýja borðstofusettið okkar í gær Við erum því miður ekki búnar að mála vegginn sem skápurinn og skenkurinn eiga að vera upp við, þannig að þetta er ekki alveg komið “på plads”. EN við erum rosalega ánægðar með nýja settið okkar Nú vantar okkur bara mjöööööög þægilega stóla við borðstofuborðið og þá er þetta fullkomið

Mér tókst að setja upp eitt bil í viðbót á sunnudaginn - þetta er bara að verða flott

Eins og sum ykkar kannski vita höfum við verið að byggja grindverk utanum lóðina okkar. Þetta verður ekkert smá grindverk, 1,80 m á hæð og tvöfalt þannig að það á ekkert að vera hægt að sjá í gegn inn á lóðina okkar En þetta er líka geðveik vinna, og þ.a.l. gengur þetta dálítið hægt - ég vil helst segja hægt og örugglega Í gær tókst mér að klæða eitt “bil” í viðbót þannig að nú eru komin þrjú (ekki spyrja af hvað mörgum ). Eeeen, þetta verður rosalega flott þegar þetta er búið

Ég setti inn nýjar myndir á myndasíðuna - m.a. af grindverksbyggingu
Svo breytti ég líka þemanu, eins og sumir taka kannski eftir OG ég setti inn nýja funktion, nú er hægt að sleppa sér alveg í því að nota smilies þegar maður setur inn komment! Allir að skrifa komment hjá okkur

Ég var að vinna úti í garði um daginn og þurfti að draga til svona plastdúk sem hafði legið í innkeyrslunni hjá okkur. Þegar ég dró dúkinn í burtu kom þessi “litli” hlunkur í ljós! Hann var svo feitur að hann gat eiginlega ekki hoppað, en mér fannst hann pínu krúttlegur. Svo var ég eitthvað að skoða rassinn á honum (bara úr fjarlægð :P) og haldiði ekki að hann hafi bara pissað á mig!! Þvílík sprauta bara! heheh!